Яармагаас Өнөр хороолол чиглэлийн дүүжин тээврийн угсралтын ажил эхэллээ. Дүүжин замын кабинуудыг дөрөвдүгээр сард үйлдвэрлэж эхэлнэ. . Харин хоёр буудлын тоног төхөөрөмжүүд болон Т1-Т8 тулгуур багануудыг ирэх дөрөвдүгээр сард хүлээн авна. Яармаг, Арцатаас-Өнөр хороолол чиглэлд 22 км цагийн хурдтайгаар зорчигчдыг 11 минутад хүргэнэ. Оргил цагийн үед 2320 хүн тээвэрлэх хүчин чадалтай, тэсвэрлэх салхины дээд хурд: 70км/цаг бөгөөд тус бүр 10 хүний багтаамжтай нийт 98 кабинтай байх аж. Үнэ нь 1500 төгрөг байна. Угсралт хийснээс хойш зургаан сар, зорчигч суулгалгүй туршилтын тээвэрлэлт хийхээр төлөвлөжээ.