Он гармагц тэтгэврийг зургаан хувиар нэмсэн. Ахмадууд тэтгэврийг нийтэд нь нэмэхээс илүү бага тэтгэвэртэй иргэдэд нэмэлтийг олгох хэрэгтэй байсан. Тэтгэврийн нэмэгдлийг дагаад үнэ өссөн гэдгийг хэлсэн. Тиймээс НӨАТ-ыг 10 хувиар нэмэх хуулийн төслийг хэлэлцэж батлахаас өмнө НӨАТ-ыг шаталсан тогтолцоонд шилжүүлж, бага орлоготой иргэдэд татвар бага тусах бодлого баримтална гэж эрх баригчид мэдэгджээ. Гэхдээ ам ажил зөрснөөс өмнөх татварын нэмэгдлүүд аль хэдий ард иргэдийн амьдралд хүнд туссаныг иргэд хэлж, аж ахуйн нэгжүүд давхардсан татвар олон байгаад анхаарах хэрэгтэйг уламжилсаар байгаа юм.