Монгол улсад нам дагасан, цүнх барьсан хүмүүс сонгуулийн дараа ажилтай, орлоготой болдог нь гэм биш зан. Тийм ч учраас дарга, иргэд нь нам ярьж талцан нэгнээ доромжилж, зодож, амь насыг нь эрсдэлд оруулах тохиолдол бий. Нэг намын улаан хамгаалагчид олноор бий болсон үед тролл багууд ажиллаж түмний тархийг худлын бороогоор угаадаг гэмтэй. Харин энэ дампуу тогтолцоог халах нэг шийдвэр гарах гэж байгаа аж. Энэ нь төрийн албан хаагчдыг хууль бусаар ажлаас халсан бол ажилгүй байсан хугацааны цалинг шийдвэр гаргасан албан тушаалтан олгох аж. Хуулийн өөрчлөлт хэрэгжиж эхэлсэн ч дарга нар ажилтныг өөрийн саналаар ажлаас гарсан гэж өргөдөл бичүүлэх гэж дарамталсан, нам ярьсан тохиолдолд ямар хариуцлага тооцохыг хуульд хамтад нь заавал тусгах ёстой. Мөн өмнөх ажилтан дараагийн ажилтнаас мөнгө нэхэж ажлын байраа шилжүүлэхийг санаархахыг ч хуулиар хориглох шаардлагатай байгаа юм. Намууд, удирдах ажилтнууд өөрийн гэсэн хүмүүсээ ажилд олноор нь томилсныхоо дараа энэ өөрчлөлтийг хийж байгаад иргэд бухимдаж байгаа нь ч үнэн. Өмнө нь ажлаас халагдсан хэдэн мянган хүмүүс шүүхэд хандвал нөхөн төлбөр хэд гарахыг хэлж мэдэхгүй нь.