Монголын хөлбөмбөгийн холбоог санхүүгийн тайлангаа тавихыг шаардаж эхэлжээ. Лигийн багууддаа шагналын мөнгөө олгохгүй, олон төсөл хөтөлбөр гацсан, холбооны ажилчид нь цалингаа аваагүй гэх асуудлууд үүсээд байгаа аж. Монголын хөлбөмбөгийн холбооны Техникийн хэлтсийн захирал Б.Гарьдмагнай, дасгалжуулагчийн боловсрол хариуцсан мэргэжилтэн Э.Ганзориг, өсвөрийн хөлбөмбөг, элит академи хариуцсан мэргэжилтэн С.Эрдэнэбат тэргүүтэй хүмүүс холбооныхоо удирдлагад албан шаардлага хүргүүлжээ. Тус шаардлагад өр авлагын баримт, мөрийн хөтөлбөрийн хэрэгжилт, дүгнэлт зэргийг нээлттэй ил болгохыг шаардсан. Ажлын тав хоногийн дотор хариу өгөхгүй бол дараагийн арга хэмжээнүүдийг авна гэжээ.