Дээрэлхэлт дэлгэрэх ёсгүй аян өрнөж хүүхдүүдийн хүмүүжилд эерэгээр нөлөөлж байсан. Гэтэл олон нийтийн сүлжээнд өсвөр насны охин зодуулж байгаа бичлэг цацагдсан. Цагдаагийн байгууллагаас шалгалт хийхэд 14 настай охины биед үе тэнгийнхэн нь халдсан бичлэг болохыг тогтоосон байна. Хүүхэд хамгааллын баг ажиллаж эхэлжээ. Хүүхдийн суурь хүмүүжлийг зөв болгох, нийгмийн эерэг орчинг томчууд бид бүрдүүлэхгүй бол найзыгаа зодоод бичлэг хийгээд зогсох хүмүүжил соёлгүй хүүхдүүдийн тоо өссөөр байх нь.