“Жүдо бөх & Чөлөөт бөх”-ийн хоорондох үндэсний бөхөөр барилдах халз барилдаан боллоо. 25 жилийн дараах хайнаа хагалах барилдаанд долоон тойргийн байдлаар 27:22 давааны харьцаатайгаар чөлөөт бөхийн баг яллаа.
Чөлөөт бөхийн багт улсын арслан Б.Орхонбаяр, улсын заан М.Лхагвагэрэл, улсын заан Д.Хүдэрбулга, улсын үнэн зоригт харцага Н.Золбоо, улсын үнэн зоригт харцага Б.Зоригтбаатар, улсын харцага Г.Ганхуяг, улсын начин Э.Батмагнай, аймгийн арслан Ч.Алтангэрэл, аймгийн арслан М.Цэрэн, аймгийн заан Б.Бат-Эрдэнэ нар багтсан бол дасгалжуулагчаар нь МУГД Б.Баттулга, Монгол улсын начин Ж.Чулуунбат нар барилдан ялж 50 сая төгрөгийн шагнал гардлаа.
Харин жүдо бөхийн багт дархан аварга Н.Батсуурь, улсын заан Д.Анар, улсын заан Б.Серик, улсын начин Х.Цогтгэрэл, улсын начин Б.Лхагвадорж, улсын начин Б.Түвшинтөгс, улсын начин Э.Мөнхжаргал, аймгийн хурц арслан Н.Өсөхбаяр, аймгийн арслан М.Баяржавхлан, аймгийн начин Б.Гончигсүрэн нар барилдсан. МУХБ, жүдоч Х.Цагаанбаатар дасгалжуулагчаар ажилласан бөгөөд 25 сая төгрөг гардлаа.