Засгийн газраас төрийн өмчит компаниудад реформ хийнэ. Нийт 21 компанийг татан буулгана. Харин үлдсэн компаниудад бүрэн эрхт төлөөлөгч томилохоо мэдэгдлээ. Бүрэн эрхт төлөөлөгч бүх талын эрхтэй байна гэдгийг ч тодотгосон. 21 зуун гараад байхад санхүүгийн тайланг бүрэн цахимжуулаад аудит хяначих ажлыг дарга томилж шийдэх шийдэл хэр зөв бол?  Бүрэн эрхт төлөөлөгч, менежер, төлөөлөн удирдах зөвлөл гээд хэн ч томилогдсон ашиггүй ажиллаж байсан компанийг ашигтай ажилладаг болгоно гэдэг юу л бол. Цалин авахаас өөр олигтой ажил хийхгүй албан тушаалын суудал эзэлсэн цүнх баригчдын тоог нэмэх нь гэх шүүмжлэл дагуулсан. Үнэхээр бүрэн эрхт төлөөлөгч дотор нь ороод хамт идэж уухгүй ашигтай ажиллуулж чадвал шидтэн хэмээн өргөмжлөгдөж баатар болох нь тодорхой.