2025 оны улсын төсвийн алдагдал 1,9 их наяд төгрөг байсан. Төсөвт бүхэлд нь хориг тавьж, УИХ хүлээж авснаар Засгийн газраас төсвөө дахин өргөн барилаа. Шинэ өргөн барьсан төсөвт зарлагыг 1,4 их наяд төгрөгөөр бууруулсан байна. “Соёлын эрхийн бичиг”-ийг хасч, Хавдрын эмнэлгийн барилгын дэд бүтцэд 7.9 тэрбумыг нэмж тавьсан байна. Сургалт, семинар, гадаад томилолт, тээврийн үйлчилгээ зөвлөл хороодын комиссын гишүүдийн зардлыг хасчээ.