Төсвийн зардлыг 1,4 их наядаар хэмнэж байгаа боловч төсвийн зарлага 33 их наяд болсон. Дээрээс нь төрийн өмчийн компаниудын ногдол ашгийг төсөв рүү татаж, урсгал зардалд зарцуулбал ухралт болно гэдгийг эдийн засагчид хэлсэн. Мөн Монгол улсын эдийн засгийг зөв үнэлж, хөгжлийн чиг хандлагыг тодорхойлохгүй бол иргэдийн хэлээд байгаа шиг төр нь өр тавьж түмэн олон нь татвараар төлдөг буруу жишиг давтагдах магадлалтай гэдгийг онцолж сануулж байна. Олон нийтийн хувьд иргэдэд ирдэг цөөхөн төгрөгийн ногдол ашгийг хүртэл төр авах уу гэж асууж байгаа юм.