Наадамчид орон нутгийг зорьж шатахууны эрэлт хэрэгцээ өссөн үед бензины үнэ литр тутамд 250 төгрөгөөр өссөн мэдээг УУЭБЯ-наас иргэдэд дуулгалаа. Орон нутгийг зоригсод замд шатахуун олдохгүй байгаагаас 2-3 цаг дугаарлан аваад замдаа гарч байгааг хэлсэн. Харин яамны мэргэжилтэн шатахууны хэрэглээ 3 дахин өссөн гэв. Мөн наадмын үеэр зам тээврийн осол нэмэгдснийг онцолсон. Наадмын өмнө холбогдох байгууллагууд иргэд орон нутгийн замд гарахдаа техникийн бүрэн бүтэн байдлаа хангаарай. Зам тээврийн ослоос сэргийлээрэй, архи согтууруулах ундаа хэрэглэсэн бол зам тээврийн хөдөлгөөнд бүү оролцоорой гэж олон ч удаа сануулсан. Даанч архи хэтрүүлж хэрэглэсэн нэгэн машин барьж урсгал сөрөн орж ирж мөргөснөөр гэр бүлийн хоёр ч хүний амийг хохироов. Иргэд арга буюу согтуу жолоочид тооцох хариуцлагыг чангатгах цаг болсныг санууллаа.