НИТХ-ын 45 төлөөлөгчийн 43 нь нийслэлийн өмчит болон орон нутгийн өмчит аж ахуйн нэгжийн дарга, Төлөөлөн удирдах зөвлөлд ажиллаж байна. Энэ бүтэц нь төлөөлөгчид Нийслэлийн Засаг даргад хариуцлага тооцох боломжгүй болгосон. Өөрсдийн ТУЗ-д орсон байгууллагууддаа НИХТ-чид төсөв баталж байна. Тиймээс цаашид давхар дээлийг тайлж ашиг сонирхлын зөрчилд үүсгэхгүй ажиллахад анхаарах хэрэгтэй гэсэн асуудал нийслэл, ЗГ, УИХ-ын түвшинд яригдсан. Энэ маргаантай холбоотойгоор улсын төсөв 1 их наядаар тасарсан бол, нийслэлийн төсөв 2,3 их наядаар дутсан талаарх шүүмж өрнөсөн. Санхүүгийн сахилга хариуцлагыг дээшлүүлэх хэрэгтэйг энэ үеэр УИХ-ын гишүүд онцолсон байна. Нийслэлийн удирдлагууд ХХОАТ-аас нийслэлийн төсвийн 50% бүрддэг учраас татварыг багасгах боломжгүй гэжээ. Харин иргэд төсвийн үрэлгэн зардлыг багасган айл өрхийн эдийн засгийг сэргээх арга хэмжээ яаралтай авах хэрэгтэйг улстөрчдөд сануулжээ.