Ипотекийн зээлийг нэг иргэнд долоон удаа олгосон зөрчил илэрсэн. Орон сууцны худалдан авалтад хаана ч 8%-ийн зээл олгохгүй байгаагаас энэ зээлд хамрагдах иргэдийн дараалал үүсдэг. Хоёр ч жил хүлэээж байгаа иргэд байна. Гэтэл нэг иргэнд долоон удаа олгосон нь байнга өөрчлөгддөг санхүүжилтын журмын заалтуудаас болсон. Дарааллын дагуу зээлд хамрагдах ёстой гэсэн асуудал сөхөгдсөн. Банкнаас шаарддаг орон сууцны 20%-ийн урьдчилгааг 10% болгох, зээлийн хүүг 6% болгон бууруулах асуудлыг олон ч Засгийн газар дамжин ярьдаг ч тодорхой шийдэл гардаггүй. ХББОСЯ-наас орон сууцны санхүүжилт, нийлүүлэлтийн системийг зэрэг дэмжих төлөвлөгөөг танилцуулсан. Энэ үеэр өр авлагын тухай хуулийн цоорхойг засахгүй бол олон асуудал гацаж байгааг иргэд хэлжээ.