Энхийн цагт цэрэг эрс нэгнээ камергүй өрөөнд зодож амь насанд нь хүрсэн хэргүүд удаа дараа гарсаар байна. Баянхонгор аймгийн 339-р ангид цэргийн амь эрстэж, Дорнод аймгаас долоон цэрэг зодуулан хотод хүргэгдэн ирж хоёрынх нь бие муу байна гэх мэдээлэл цацагдсан. Хэрэг гарах бүрт нэг мэдэгдэл гаргаж, хэдэн удирдлагуудыг нь халж, төрийн хүний эрхийн хэдэн байгууллага хяналт шалгалт хийгээд өнгөрсөөр ирсэн. Цэргийн анги дахь гэмт хэргийн гаралт буурахгүй бол яамны сайдтай нь хариуцлага ярих хэрэгтэй гэдгийг УИХ-ын гишүүн Л.Гантөмөр онцолсон. Бусад улс оронд сайд нь суудалтайгаа зууралдаж үлдэх тохиолдол байхгүй. Хариуцлагаа хүлээгээд огцордог. Цэргийн ангийн удирдлагууд цэрэгт татагдан ирж буй цэргүүд дунд хар тамхи хэрэглэдэг, дэлгэцэнд донтосон цэргүүд ирснийг буцаасан гэдгийг хэлдэг. Залууст хөдөлмөр хийх орчинг бүрдүүлж,өсөж буй гэр бүлийн орчинд анхаарал хандуулахгүй бол нийгмээрээ хүн хайрлах сэтгэлгүй хүн араатан бэлдсээр байх нь. Болохгүй бол бүх орчинд камер тавиад ч болов монгол залуусаа амьд авч үлдэхсэн. Цэргийн ангийн камер хариуцсан ажилтнууд ,эргүүлийн цэргүүд хүн амины хэргийг харахгүй байгаа нь тухайн ангид сахилга хариуцлага сул байгааг харуулж байгаа юм. Дарга нар нь тогтмол эргүүл ажиллуулж байсан бол дараалсан олон хэргүүд гарахгүй байх бүрэн боломжтой.