Ирэх есдүгээр сараас нийт 700 сургуулийн захирлууд, төрийн өмчийн сургуулийн багш нарыг аттестатчилна. Багш бэлтгэх 45 хоногийн сургалтыг 100 хоног болгоно. Багш мэргэжлээр төрөөс төлбөрөө авч сурсан хэрнээ төгсөгчдийн 50% нь мэргэжлээрээ ажиллахгүй байна. Тиймээс мөнгийг нь эргүүлж төлүүлнэ. Монгол улсын хэмжээнд Нийт 2740 багш дутагдалтай байна. Мөн 108 сургууль, 95 цэцэрлэг шинээр барих шаардлагатай. Үүнд 3.3 их наяд төгрөгийн хөрөнгө оруулалт хэрэгтэй .Өмнө нь тендерт шалгарсан ч сургууль, цэцэрлэгийн барилгын ажлыг гүйцээдэггүй, нэгэн зэрэг олон тендер авч ажлаа орхидог, хариуцлагагүй компаниудыг хар жагсаалтад оруулна. Хариуцлагагүй компаниудыг ил тод зарлаж, цаашид хүүхдийн сургууль, цэцэрлэгийн барилга барих тендерт оролцуулахгүй байх бодлого хэрэгжүүлнэ гэж Боловсролын яамнаас мэдээлжээ.