Монгол улс цахим хэрэглээг нэвтрүүлж, цахим засаглалаар 20 байр урагшилсан гэх мэдээг албаныхан өгч байгаа. Гэтэл амьдрал дээр ам ажил хоёр зөрсөөр л байна. Улсын бүртгэлийн киоск машины хурууны хээ уншигч төхөөрөмж ажиллахгүй, программын алдаа зааж байгаагаас иргэд лавлагаа, тоон гарын үсгийн үйлчилгээ авч чадахгүй байна. Таны мэдээлэл алга гэсэн бичиг, эсвэл алдаа заасан үгс гарч ирж иргэдийг бухимдуулж байгаа юм. Өмнө ч оршин суух лавлагаа авах үед буруу хаяг гарч ирэх, бэлэн мөнгөний машинаас нэг өдөр нэгэн зэрэг мөнгө огт гарахгүй болох, байгууллагын гүйлгээний мөнгө хийх гэхээр төхөөрөмж гацах, иргэдийн мэдээлэл алдагдаж данснаас нь мөнгө алдагдах, хакердуулах гээд олон тохиолдлууд гарч байсан. Гэтэл Хаан банк гэнэт нэг өдөр тоон гарын үсэггүй бол нэг ч төгрөгийн зарлага гаргахгүй. Программын шинэчлэлт хийгдсэн гэсэн шийдвэр хэлж, иргэдийг хэдэн тийш явуулсан. Цахим хөгжсөн байхад ядаж байгууллагын цахим хуудастаа олон нийтэд хандсан мэдээллийг байршуулж түгээх ажлыг огт хийгээгүй байна. Тэгсэн хэрнээ бид зар байршуулсан гэж нэг жижиг цаас харуулаад хэлээд хэнэг ч үгүй сууж байна. Хэдэн зуун хүнд хоёр теллер ажиллуулж хэдэн цаг хүлээлгэсний эцэст нэхсэн мэдээллийг нь аваад очихоор дахиад нэмэлт бичиг баримт нэхээд гэртээ хариад ир гээд суудаг бүдүүлэг цахимжалтаасаа салах хэрэгтэй байна. Заавал теллер дээр очиж авна гэдэг хэрнээ нэг үйлчилгээ авах гэж зургаан цаг хүлээлгэх бол арай дэндэнэ. Нэг бол цахимд бүрэн шилж. Үгүй бол алдаа заадаг төхөөрөмж, программын алдаагаа зас. Банкны теллерүүд нь нь хэрэгтэй мэдээллээ нэг дор авч ажлаа хийж сурах хэрэгтэй. Нэг нэгээр нэхэж, имэйл хаягаар авчих мэдээллийг манайх ийм дүрэмтэй гэсэн хүнд сурталтай үг хэлээд сууж болохгүй. Олон иргэд гомдол хэлэхээр 10 орчим хүний хурууны хээг таниагүй байх гээд суух. Харин иргэд нь бүгд төхөөрөмж ажиллахгүй байна гээд нэг барилгын гурван өөр газар очоод хурууны хээгээ таниулж чадсангүй. Эцэс нь Гэрэгэ систем алдаа заан байж арай гэж ажилласан. Хаан банк нэг ч теллергүй болохоор төлөвлөж байгаа гэсэн. Теллергүй болж болно. Залуус учрыг нь олоод утсаар ч болов асуугаад үйлчлүүлнэ. Ахмадууд харин та нарын хүнд суртлаар хэдэн тийш олон удаа явж, хэдэн цаг сууж чадахгүй. Цахимд шилжинэ гэж зарлахаасаа өмнө бэлтгэлээ хангаад зарлаад ажлаа эхлүүлж сурах хэрэгтэй байна. Цахимд шилжлээ гэж байгаа ч иргэдийн мэдээллийг хянаж чадахгүй алдах, буруу гаргах, төхөөрөмж, программууд нь ажиллахгүй гээд олон асуудлууд байна. Дарга нар нь ажлаа хийдэг бол ард түмэн чирэгдэхгүй үйлчлүүлнэ