Эрүүл мэндийн сайд Э.Батшугар эрүүл мэндийн ажилтнуудыг цалингийн нэг шатлалт тогтолцоонд шилжүүлнэ. Ажилчдын цалинг нэмэх 150 тэрбум төгрөгийн зардлыг нэгдүгээр шатны эмнэлэгт цусны шинжилгээ өгсөн иргэд хоёр, гуравдагч шатны эмнэлэгт үзүүлэхэд дахин дахин шинжилгээ өгдөг. Энэ шинжилгээг нэг болгосноор хэмнэх мөнгөнөөс гаргаж авна. . Хөнгөлөлттэй эмийн жагсаалтад орсон зарим эмүүд олон улсын эрүүл мэндийн байгууллагаас баталгаажаагүй байна. Өөрөөр хэлбэл энэ эмийг өвчтэй хүнд хэрэглэбэл ийм үр дүн үзүүлнэ гэсэн баталгаа байхгүй гэсэн үг. Тиймээс баталгаагүй хямд эмүүдийг хасна гэсэн. Баталгаагүй эмийг жагсаалтаас хасах нь зөв ч иргэд үнэтэй эм авах чадвартай юу гэдгийг тооцох ёстой. Мөн өвчтөн нэг эмнэлэгт үзүүлээд нөгөө эмнэлэгт очиход бүх шинжилгээ, оношилгоог дахин хийлгэх шаардлагатай болдог. Энэ нь иргэдийн цаг хугацаа мөнгийг үрсэн ажил болдог гэдгийг ч судлах ёстой. Та манай эмнэлэгт хагалгаанд орох бол өөр эмнэлэгт өгсөн шинжилгээ, оношилгоог хүлээж авахгүй гэдэг. Хоног хугацааг нь тооцох ёстой л байдаг байх.Гэхдээ эмийг нэг цонхноос өгч олон өөр газар өөр үнээр зардгийг зогсооно гэсэн шиг шинжилгээ, оношилгоог ч хугацаа хуваарьтай буцаалт багатай болговол иргэдэд их тус болно.