Цахим сүлжээнд та азтан боллоо. Дээрх баталгаажсан линкээр орж азтаны эрхээ авна гэх мэдээллийг иргэд руу явуулж залилан хийх тохиолдол нэмэгдсэн байна. Иргэл линк руу нэвтэрсэн тохиолдолд таны мэдээллийг хуулж авч банкны данснаас тань мөнгө шилжүүлж авах, таны өмнөөс зээл авах луйвар их байгааг цагдаагийн байгууллагаас сэрэмжлүүлсэн байна. Хэрэв таны дансаас мөнгө шилжсэн бол цагдаагийн байгууллагад яаралтай мэдэгдэн мөнгөн дүнд барилт хийлгэн мөнгөө алдахгүй байх боломжтой. Мөн хандалт ихтэй мэдээ мэдээллийн доор санхүүгийн тусламж үзүүлнэ, хялбар аргаар мөнгө олох боломжтой гэх зэрэг зар байршуулж залилдаг.Бараа бүтээгдэхүүний цахим худалдаа хийх нэрээр та утасны дугаараа үлдээнэ үү гэсэн мэдээлэл тавьж иргэд нэвтэрсэн тохиолдолд таны мэдээллийг хуулж авч байгааг анхааруулсан. Мөн танихгүй хүнд хэзээ ч дансаа ашиглуулахгүй байхыг зөвлөжээ.