Төрийн өмчийн компаниудын удирдлагуудыг сольж заримыг нь татан буулгаж, нэгтгэнэ гэдгээ Засгийн газраас мэдэгдсэн. Харин ТӨХК-иуд Ерөнхийлөгчийн Тамгын газар, Засгийн газрын хэрэг эрхлэх газраас нийгмийн хариуцлагын хүрээнд ажил зохин байгуулна, санхүүжилт шаардлагатай гэсэн албан бичиг ирүүлдэг. Энэхүү албан бичгийн хүрээнд хийсэн ажлууд санхүүгийн алдагдалд орох нэг үндэс болдог гэдгийг мэдээлээд байсан. Гэтэл өрсөлдөгчгүйгээр тендер зарлан, нэг байгууллагад зориулсан юм шиг заалт тендерийн баримт бичигт оруулдаг гэсэн гомдлыг иргэд, байгууллагууд гаргаж эхэлсэн байна. Тиймээс тендерийн баримт бичгийг нэг компанид тохируулсан эсэхийг хууль хяналтын байгууллагаас шалгаж эхэлсэн байна. Нийт 45 мянган айл айл өрхөд тараасан угаар мэдрэгчийн тендерт өмнө шалгарсан компани оролцоно гэсэн заалт оруулсан гэсэн гомдол ч ирсэн аж.