“Эрдэнэс таван толгойн” 581 гэрээг нууцаас гаргаж байна. Нийт 586 гэрээ байгаагаас таван гэрээ нь олон улсын гэрээ учир тухайн орноос зөвшөөрөл авч нууцаас гаргана. Нүүрсний гэрээнүүд ил болсон учир улстөрчид мөнгө завшсан эсэх нь ил болно. ЭТТ компани ашиггүй ажилласан жилүүдэд мөнгө угаасан хэрэг гарсан байж болзошгүй гэж хардаж байгаагаа эрх баригчид мэдээлсэн. Иргэд шалгаж чадахгүй хойно хууль хяналтынхан ажлаа хийгээд мэдээлэх биз. Гэхдээ энэ гэрээний хүрээнд 32 сэтгүүлч нүүрсний машин авсан гэсэн асуудал сөхөгдөж байсан. Сэтгүүлчид мөнгө авсан байсан бол нэг бол машинаа зараад гадагш явсан. Үгүй бол хувийн бизнес эрхэлж байгаа байх. Гэтэл одоогоор нэг ч сэтгүүлч би авсан гэж хэлээгүй, хувиараа бизнес эрхлээд гийгүүлээгүй. Гүтгэлэг, үнэн эсэх нь одоо л илрэх биз.