Ахмадууд, багш, эмч нарт улстөрчид сонгуулийн үеэр хайр зарлан хормой дэвссээр санал авч УИХ-ын гишүүнээр сонгогдмогцоо мартдаг гэдэг харагдлаа. Сонгуулийн хэдэн өдрийн хайр, 100 мянган төгрөгийн санал худалдан авалтад иргэд дахиж хууртахгүй байх. Сая төгрөгөөр иргэдээ ядруу амьдруулах ядарсан бодлогоосоо татгалзах цаг болсон. Гучин жил улстөрчдийн гоё амлалтанд хууртаж амьдарсан . Сар шахам хэдэн ахмад, багш, эмч нар суулт зарлан ажил хаяж асуудлаа хэлсээр байтал эрх баригчид хэдэн тоо хэлэхээс өөрөөр асуудлыг шийдвэрлэж чадсангүй.Хэлдэг үг нь инфляци өсөж, долларын ханш 4000 давна гэсэн. Давахыг нь мэдсээр байж жил бүр иргэдийнхээ эдийн засаг, нийгмийн асуудлыг бага багаар шийдэж чадаагүйгээс цалин тэтгэвэр нэмэлт шаардлага үргэлжилсээр түмний хүүхэд сурч боловсрох эрхээ эдэлж чадахгүй, өвчнөө ч эмчлүүлж чадахгүй, ахмадууд нь арай гэж амьдарч байна. Долоон саяын цалинтай дарга нар иргэдийн зовлонг мэдрэхгүй байсаар л байна. Монгол насаараа амьдарсан ч иргэд сайхан амьдарч чадахгүй, улстөр бизнесийнхний явцуу бодлогон дунд зарцлагдаж амьдарч байна. Гэр бүлээр нь хэдэн баячуудыг иргэд хэдэн арван жил тэжээсээр байгаа нь гарцаагүй үнэн.