Ахмадууд тэтгэврийн зээлийг 24 сараар авах шаардлага тавин Сүхбаатарын талбайд 9 дүгээр сарын 10-нд жагсахаар болжээ. Тэд арилжааны банкууд тэтгэврийн зээлийг 24 сараар олгохгүй байгааг мэдэгдсэн. Зээл олгосон нөхцөлд хүүгээс хүү бодож мөнгө хүүлж, ахмадуудыг хохироож байна. Нийт ахмадуудын 50 гаруй хувь нь улсад 40 шахам жил ажиллаж сардаа 600 гаруй мянган төгрөгийн тэтгэвэр авч байхад сүүлд тэтгэвэрт гарсан хүмүүс 1.8 сая төгрөгийн тэтгэвэр авч тэтгэврийн зөрүү эрс ихэссэн. Тэтгэврийн бодолт шударга биш байгаа учир өөрчлөх шаардлагатай гэсэн шаардлага тавьжээ. Ирэх онд тэтгэврийг зургаан хувиар нэмэгдүүлэхээр 2026 оны төсөвт тусгасан байгаа юм.