Улсын баяр наадам болон аймаг сумын наадамд шөвгөрсөн 96 бөхөөс авсан допингийн шинжилгээний хариу Германаас ирсэн. Эхний ээлжинд 14 бөхийн шинжилгээ ирснээс дөрвөөс нь сэргээш илэрсэн байна. Үндэсний бөхийн салбар хорооноос допинг илэрсэн бөхийн нэрсийг албан ёсоор зарлахаас татгалзсан. Бүх хариуг ирсний дараа олон нийтэд зарлах байх гэсэн хүлээлт байна.