УИХ-ын гишүүд бухимдуу байна. Мах худалдаж авахад гуя дагаж хүзүү өгдөг шиг Биржийн хуулийг дагаж офтейк гэрээ, цөмийн энергийн хуульд өөрчлөлт оруулах заалт, Зөвшөөрлийн хуулийг дагаж Эрүүгийн хуульд өөрчлөлт оруулах санал байнгын хороо, УИХ-ын чуулганы хуралдаанд орж ирж байна. Асуудлыг цогцоор нь авч үзэж дахин судлан нарийвчлан оруулж ирэх шаардлагатай байна. Тиймээс дэмжих боломжгүй хэмээн яамдын журмыг гишүүд буцаадаг асуудал энэ долоо хоногт хэд хэд давтагдав. Нэг талаас улс төр шиг харагдавч нөгөө талаас шаардлага хангахгүй асуудлууд орж ирж гишүүдийг бухимдуулаад байгаа гэнэ.