Монгол улс чинээлэг орнуудын тоонд орсон гэж улстөрчид нь бахархалтайгаар зарлаж, иргэд нь эдийн засгийн хувьд элгээрээ мөлхсөн цаг хугацааг өнгөрөөж байна. Гэтэл дарга нар Оюу толгойн ногдол ашгийг иргэддээ өгнө, өгөхгүй гээд маргалдаж инфляфи өснө гэж айлгасан. Дөрвөн их наядын төсвийг 43 их наяд болтол өссөн 10 жилд иргэдийг амьдрал дээшилсэнгүй.Инфляци тэнгэрт тулав. Амралтын өдрүүдэд гадаадад амардаг дарга нарын гэр бүлд Монголын иргэдийн амьдрал хүртээлгүй байгаа бололтой. Гэтэл иргэд нь зээлийн дарамтаасаа салж чадахгүй, хэрэглээний зээлийн чанаргүй үлдэгдэл нэмэгдсээр байна. Арга барсан Монгол банк иргэдээр өрийг нь төлүүлэх гэсэндээ зээлийн хүүгийн төлөлтийг 48 сараар хойшлуулах шийдвэр гаргав. Эрүүлээр сэтгэж байгаа хэдэн улстөрчдөө иргэдэд хайр зарлаж бэлэн мөнгө өгөх гэж попорч байна гэж шоглов. Үнэндээ бол өөрсдөө амьдралын хөрсөн дээр буухгүй сансарт нисээд байна. Улс төрийн тоглоомын золиосондоо ард иргэдийн амьдралыг чирч, доройтуулж байгаагаа ажил хийж байна гэж бодвол асар том эндүүрэл болно.