Израилийн Ерөнхий сайд Бенжамин Нетаньяху Израиль АНУ-ын цэргийн тусламжаас аажмаар хамааралтай байдлыг зогсоох уриалга гаргасан. Энэ уриалга стратегийн хувь зөв гэж үзэж байгаа ч шинжээчид Вашингтоны дэмжлэгээс ойрын хугацаанд бүрэн татгалзах нь боломжгүй гэжээ. АНУ, Барак Обамагийн засаг захиргааны үед гарын үсэг зурсан 10 жилийн харилцан ойлголцлын санамж бичгийн дагуу Израильд жилд 3.8 тэрбум доллар олгодог юм. Гэрээний дагуу санхүүжилтийн дийлэнх хэсгийг Америкт үйлдвэрлэсэн тоног төхөөрөмжид зарцуулах ёстой.
Харин Нетаньяху АНУ-ын Ерөнхийлөгч Дональд Трампыг энэхүү дэмжлэгийг аажмаар “тэг” болгон бууруулахыг хүсчээ. 1948 онд байгуулагдсанаасаа хойш Израиль улс инфляцийг харгалзан АНУ-ын эдийн засаг, цэргийн тусламжаас 300 тэрбум гаруй доллар авсан гэж Гадаад харилцааны зөвлөлөөс мэдээлсэн. Энэ нь 1946 оноос хойш бусад аль ч улсаас авч байсан хэмжээнээс хамаагүй их юм./Жанлука Пакчиани/