Нигерийн Абужа хотод төвтэй робот техник, үйлдвэрлэлийн стартап болох Terra хиймэл оюун ухаан болон дроноор ажилладаг бие даасан аюулгүй байдлын системийг бүтээж байна. Энэ систем аюул заналыг илрүүлж, эрчим хүч, уул уурхай, харилцаа холбоо, хөдөө аж ахуй зэрэг тивийн чухал салбаруудыг хамгаалахад тусалдаг.Энэхүү компанийг Нигерийн 23 настай Максвелл Мадука, 22 настай Натан Нвачуку гэсэн хоёр залуу хүн байгуулжээ. Африкийн хамгийн том дрон үйлдвэрлэдэг энэхүү компани Абужа хотын захад 15,000 хавтгай дөрвөлжин фут талбайг нээжээ. Бүрэн үйлдвэрлэлийн хүчин чадлаараа ажиллаж эхлээгүй байгаа ч Нвачуку жилд 30,000 дрон үйлдвэрлэх чадвартай гэж мэдэгджээ. Үүнд хяналтын даалгаварт зориулж бүтээсэн холын зайн дрон, анхны хариу арга хэмжээ авах, мэдээлэл цуглуулах квадрокоптер, газрын хяналтын жижиг өөрөө явагч тээврийн хэрэгсэл багтана. Тус компани Нигерийн хоёр усан цахилгаан станцад хиймэл оюун ухаанаар ажилладаг дрон болон хяналтын цамхаг байрлуулах хувийн аюулгүй байдлын NetHawk Solutions компанитай 1.2 сая ам.долларын гэрээ байгуулсан. Энэхүү систем нь тус компанид гаднын халдлага гэх мэт болзошгүй аюул заналыг илрүүлж, хянахад туслах юм./Нелл Льюис/