Герман, Франц, Их Британи, Польшийн удирдагчид ОХУ-ын удирдагч Владимир Путинд 30 хоногийн хугацаатай гал зогсоох тохиролцоонд хүрэх хэрэгтэй гэжээ. Хэрэв тохиролцоонд хүрэхгүй бол томоохон хориг арга хэмжээ авч болзошгүй гэж мэдэгджээ. Францын ерөнхийлөгч Эммануэль Макрон Киевт айлчлах үеэр Дональд Трамптай утсаар яриад дараах мэдэгдлийг хийсэн байна. Макрон, Германы шинэ канцлер Фридрих Мерц, Их Британийн Ерөнхий сайд Кейр Стармер, Польшийн Ерөнхий сайд Дональд Туск нар гал зогсоох дэглэмийг хуурай газар, далай, агаарт мөрдөх ёстой.Хэрэв энэ тохиролцоо амжилттай болбол бат бөх, урт удаан энх тайван тогтоох хэлэлцээрийг нэн даруй эхлүүлэх замыг нээж чадна гэжээ.