Дэлхий даяар олон тэрбум долларыг түймэртэй тэмцэхэд зарцуулж байна. Хиймэл дагуул, дрон, дулааны камерыг түймэр илрүүлэхэд ашиглаж байна. Эдгээр төхөөрөмжүүд үнэтэй. Харин залуус нэгдэн түймрийг цаг алдалгүй илрүүлж, унтраах хямд төхөөрөмжийг ашиглахыг улс орнуудад санал болгожээ. Залуус нарсны боргоцойн хэмжээтэй гал мэдрэгчийг зохион бүтээсэн байна. Лав болон нүүрсний нийлмэл материалаар хийгдсэн пиригийн мэдрэгчүүд нь хүрээлэн буй орчинтой уусч, ул мөр үлдээхгүй байхаар бүтээгдсэн. Бүтээгчдийн хэлснээр уг төхөөрөмжийг галд өртөмтгий газарт байрлуулж, олон жилийн турш засвар үйлчилгээгүйгээр үлдээж болно. Гал гарах үед дулаан нь дотоод өдөөгчийг хайлуулж, дохиоллыг нэмэгдүүлэн нам давтамжийн дохио үүсгэнэ. Ингэснээр хямд үнээр түймрийг эрт илрүүлэн, иргэдийг нүүлгэн шилжүүлж, хариу арга хэмжээ авахад туслах аж. Энэ талаар Pyri-ийн үүсгэн байгуулагч Карина Гунади олон нийтэд мэдээлэл өгчээ. /Оскар Холланд/