Nike компани Mind пүүзний цувралыг худалдаанд гаргасан. Энэхүү пүүз зах зээлд гарснаасаа хойш маш хурдан борлуулагдсан байна. Худалдан авагчид Nike-ийн пүүзийг хөлний мэдрэхүйн мэдрэлийг өдөөх “мэдрэл судлалд суурилсан гутал” гэдэгт татагдсан. Хувцаслалтын шинэчлэлээр дамжуулан хүний биеийн байрлалыг засахаас эхлээд арьсыг толигор болгох хүртэл олон төрлийн эрүүл мэндийн ашиг тусыг компаниуд хэрэглэгчдэд амлаж байна. Мэдрэхүйн технологийн компани Naboso нь Nike Mind-тэй адил хөлний мэдрэхүйн мэдрэлийг өдөөх зорилготой тусгай бүтэцтэй улавч, оймс гаргасан. Шинэ ангиллын бүтээгдэхүүнүүд биеийн тэнцвэр, цусны эргэлтийг сайжруулах, сэтгэл хөдлөлийг зохицуулах ашиг тустай гэж мэдэгджээ. Өмсөж болдог эрүүл мэндийн брэнд биенд массаж хийх тусгай даавууг гаргасан бол Францын Coperni брэнд нөхөн төлжүүлэгч хувцаснуудаараа дамжуулан арьс арчилгааны олон төрлийн ашиг тусыг хэрэглэгчиддээ амлажээ. /Жак Бэнток/