Хантавирусын халдвартай хөлөг онгоц анх Аргентины Ушуайягаас нэг сарын өмнө хөдөлсөн. MarineTraffic хөлөг онгоцны хяналтын сайтын мэдээлснээр, Нидерландын далбаатай зорчигч тээврийн хөлөг онгоц Антарктидад зогсож, дараа нь Ушуайя руу нэг шөнө буцаж, 4-р сарын 1-нд дахин хөдөлсөн байна. Дараа нь Прайягийн эрэгт зангуугаа тавихаасаа өмнө Британийн хилийн чанад дахь Гэгээн Елена арал дээр зогссон гэжээ. Замдаа зорчигчид дэлхийн хамгийн алслагдсан арлуудын заримд нь зочилж, аяллын хөтөлбөрийн дагуу халим, далайн гахай, оцон шувуу, далайн шувууд зэрэг олон зэрлэг ан амьтдыг харсан байна. Прайя хотод хүрэхэд хөлөг онгоц боомтод зогсохыг зөвшөөрөөгүй. Кабо-Вердегийн Эрүүл мэндийн яам тус улсын нийгмийн эрүүл мэндийг хамгаалах шаардлагатай гэж үзжээ. Тэндхийн эрх баригчид ажилтнуудаа хөлөг онгоцонд орж, эрүүл мэндйин болоод нөхцөл байдлыг үнэлгээ хийжээ.Онгоцны зорчигчдыг буулгаж эмчилгээ хийж эхэлсэн байна.