Боинг 737-800 зорчигч тээврийн онгоц Хятадын өмнөд хэсэгт 29,000 футын өндрөөс унаж, ууланд осолдсон. Онгоцонд байсан 132 хүн бүгд амиа алдсанаас хойш дөрвөн жил хэргийг шалгаад нисгэгчийн бүхээгт байсан хөдөлгүүрийн түлшний хангамжийг хэн нэгэн санаатайгаар унтраасан байж болзошгүй гэж үзсэн байна. Боинг 737-800 онгоц тэнгэрээс унахаас өмнө хоёр хөдөлгүүрийн түлшний унтраалгыг нэгэн зэрэг унтраасан байжээ.Мэдээллийг онгоцны нислэгийн өгөгдөл бичигчээс авсан. Үйл ажиллагааны мэдээллийг бүртгэдэг хоёр “хар хайрцаг”-ыг сүйрлийн дараа олж Вашингтон ДС дахь NTSB-ийн лабораторид шинжлүүлсэн байна. Боинг онгоцыг АНУ-ын нисэх онгоц үйлдвэрт үйлдвэрлэсэн байжээ. . Түлшний унтраалга хөдөлсний дараа хөдөлгүүрийн хурд буурсан” гэж NTSB-ийн тайланд дурджээ. Арилжааны онгоцны түлшний унтраалга нь хөдөлгүүрт түлшний урсгалыг зохицуулдаг физик удирдлага юм. 737 онгоцонд нисгэгч унтраалгыг ажиллах байрлалаас таслах байрлал руу шилжүүлэхийн өмнө дээш татах ёстой байсан.Гэтэл ослын өмнөхөн түлшний унтраалгыг гараар унтраах байрлалд байрлуулсан болохыг тогтоосон гэж нисэхийн аюулгүй байдлын шинжээч Дэвид Соуси хэлжээ. Нислэгийн өгөгдөл бичигч нь онгоцны генераторууд 26,000 футын өндөрт цахилгаан тасарсан үед бичлэг хийхээ больж, ослын сүүлийн мөчийг бичиж аваагүй гэж тайланд дурджээ. Онгоцны өөр нэг “хар хайрцаг” болох бүхээгийн дуу бичигч нь батерейны нөөцлөлтөөр бичлэг хийсээр байсан гэжээ./Хелен Реган/