Африкийн чухал дэд бүтцэд зэвсэгт бүлэглэлүүд халдах нь ховор үзэгдэл биш юм. Босогчдын зэвсэгт бүлэглэлүүд Ардчилсан Конго улсад цагаан тугалганы уурхайг түр хугацаагаар хаахад хүргэж байсан. Суданы иргэний дайны улмаас тус улсын хамгийн том газрын тос боловсруулах үйлдвэрт гал гарсан. Иймэрхүү газрын тосны тасалдал нь зөвхөн орон нутгийн эдийн засагт хүндрүүлээд зогсохгүй тивийг бүхэлд нь ухраадаг. Олон томоохон дэд бүтцийн төслүүдээс хамааралтай гадаадын хөрөнгө оруулалтыг зогсоож болзошгүй уршигтай. Эдийн засгийн хөгжилд шууд нөлөөлдөг стратегийн дэд бүтцэд чиглэсэн халдлагууд асар их хор хөнөөлтэй гэж Аюулгүй байдлын судалгааны хүрээлэнгийн Төв Африкийн бүсийн зохицуулагч Олуволе Ожевале ярьжээ. Газрын тос дамжуулах хоолойд террорист халдлага үйлдсэн нь Нигери улсын үйлдвэрлэлээ нэмэгдүүлэх, квотоо биелүүлэхэд хүндрэл учруулсан. Төрийн болон хувийн хэвшлийн аж ахуйн нэгжүүд хамгаалалтын стратегиа өөрчилж, аюулгүй байдлын асуудлыг шийдвэрлэхийн тулд бие даасан системд шилжиж байна гэжээ. /Нелл Льюис