Японы гурав дахь том газрын тос боловсруулах үйлдвэр болох Cosmo Energy Holdings агаарын тээврийн шинэ түлш үйлдвэрлэж эхэлсэн. Ройтерс агентлагийн мэдээлснээр Космо энэ оны эхээр Осака дахь Сакай боловсруулах үйлдвэртээ бүтээгдэхүүнээ үйлдвэрлэхээр төлөвлөжээ.
Тус компани нь Japan Airlines болон All Nippon Airways-д байгальд ээлтэй түлш нийлүүлдэг. Япон улсын агаарын тээврийн компаниудын дотооддоо үйлдвэрлэсэн анхны ногоон түлш учраас ач холбогдолтойд тооцогдож байна. Cosmo-ийн түлш нь хүнсний тосоор хийгдсэн. Газрын тос боловсруулах үйлдвэр нь өөр хоёр компанитай хамтран үйлдвэрлэсэн боловч шатахууны үнийн талаар дэлгэрэнгүй мэдээлэл өгөхөөс татгалзсан байна.

Дэлхийн бусад хэсэгт LanzaJet зэрэг нисэхийн түлшний компаниуд агаарын бохирдлыг арилгахын тулд олон сая галлон өөр түлш үйлдвэрлэж байна. Энэ компанийн түлшийг эрдэнэ шиш ашиглан бага нүүрстөрөгчийн эрчимтэй этанол буюу үр тарианы спиртээр хийдэг аж.