Мьянмарын төв хэсэгт хүчтэй газар хөдлөлт болсон байна. Газар хөдлөлтийн 7.7 магнитудын хүчтэй чичиргээ Тайланд, Хятадын баруун өмнөд хэсэг зэрэг бусад газарт мэдрэгдсэн. Одоогоор 1600 гаруй хүн нас барж, 3000 гаруй хүн шархадсан гэх мэдээ гарсан. Газар хөдлөлтийн голомт Мьянмарын Сагаинг хотоос баруун хойд зүгт 16 км-ийн зайд байсан гэж АНУ-ын Геологийн алба (USGS) мэдэгдсэн юм.Энэ нь Мьянмарын хоёр дахь том хот болох 1.5 сая орчим хүн амтай Мандалай хотын ойролцоо бөгөөд нийслэл Ней Пи Таваас хойд зүгт 100 км (60 миль) оршдог.