“Улаанбаатар марафон” олон улсын гүйлтийн тэмцээнийг 2014 оноос уламжлал болгон зохион байгуулсаар ирсэн. Энэ жил тус тэмцээнийг тавдугаар сарын 25-ны бямба гарагт Д.Сүхбаатарын талбайд зохион байгуулна. Тус марафонд гүйх иргэдийг “Hipay” аппликейшнаар гуравдугаар сарын 20-ноос тавдугаар сарын 20-ныг дуустал бүртгэнэ. Гүйлтийн спортыг хөгжүүлэх, өсвөр, залуу үеийнхнийг хөдөлгөөний дутагдлаас сэргийлэх, эрүүл мэндийг хамгаалах зорилготой юм.