Жил ирэх тусам ядуурал нэмэгдэж 10 өрх тутмын 3 нь ядуу амьдарч байна гэсэн судалгаа гарчээ. Нийт иргэдийн 40 гаруй хувь нь ядуу амьдарч байгааг улстөрчид онцлох болсон. Дундаж давхарыг 90% хүртэл тэлэх зорилт биелээгүй, Монгол улсын нийт иргэдийн 70% нь хадгаламжгүй байна.  Гэнэтийн санхүүгийн хүндрэл тохиолдоход ямарч бэлтгэлгүй байгааг эдийн засагчид онцолсон. Иргэдийн хувьд цалин амьдралд хүрэлцдэггүй, хуримтлал үүсгэх боломжгүй байна гэдгийг хэлж буй. Тиймээс инфляцийн өсөлтийг хязгаарлах, цалинг үнийн өсөлттэй уялдуулах шаардлагатай байгаа юм.