Худалдаа эрхэлж буй иргэд холбогдох байгууллагууд руу цахимаар хүсэлт илгээгээд тусгай зөвшөөрөл авалгүй худалдаа эрхэлж болно гэж Засгийн газраас мэдээлж байсан. Гэтэл гудамж талбайд худалдаа, үйлчилгээ эрхэлж буй иргэд өдөрт 20 мянган төгрөгний торгууль төлж байгаагаа цахимд мэдээлж гомдол гаргасан. Хуульд байхгүй шаардлага тавьж, торгож шийтгэн хүнд суртал гарган олон нийтэд хүндрэл учруулж буй хүмүүст хариуцлага тооцох үүргийг ХЗДЯ-нд өгсөн байна. Зөрчлийн хуулиар олон нийтийн газар үйл ажиллагаа явуулахыг хориглосон байдаг. Тиймээс зөрчилтэй заалтыг хэрэгжүүлж буй цагдаа ч буруугүй, торгуулж буй иргэн ч буруугүй байхад хоёр тал хохирсоор ирсэн асуудлыг шалган шийдвэрлэхээр болсон байна.