Улс төрийн намуудын санхүүжилтийг нээлттэй болгох, гишүүдээ чадавхижуулах, орон нутгийн түвшинд хүрч ажиллах боломжийг бүрдүүлэх зорилготой гэх тодотголтой 7 тэрбум төгрөгийг УИХ-д суудалтай улс төрийн намуудад олгоно. Эрх баригч МАН 3 тэрбум, сөрөг хүчин АН-2 тэрбум Хүн нам, ИЗНН, Үндэсний эвсэл гээд бусад намууд үлдсэн мөнгийг хуваан авсан. Улс төрийн намууд нэг л спонсороосоо авах мөнгө гэж иргэд дүгнэж байгаа бол харин намууд сургалт сурталчилгаа явуулахад шаардлагатай гэдгийг хэлж байгаа юм.