Скүүтэр, мопедыг замын хөдөлгөөнд оролцуулахыг мега төслүүдийг шалгаж дуустал түр хориглож байгаагаа АТГ-аас мэдэгдсэн. Гэсэн ч хөдөлгөөн үргэлжилсээр байгаа юм. Цахилгаан тээврийн хэрэгслээс болж 3000 иргэн гэмтэж бэртсэн. Тиймээс иргэдийн эрүүл, аюулгүй орчинд амьдрах нөхцлийг хангах шаардлагатай байна. Тиймээс цаашид цахилгаан тээврийн хэрэгслийг A ангиллын үнэмлэхтэй 18-аас дээш насны иргэд жолоодон авто замын баруун эгнээг барьж хөдөлгөөнд оролцоно. Явган хүний замаар явахгүй. Явсан тохиолдолд 50-200 мянган төгрөгөөр торгох шийтгэл оногдуулах хуулийн төслийг боловсруулж байгаагаа УИХ-ын гишүүд танилцуулсан. Харин цахилгаан тээврийн хэрэгсэл эзэмшигч аж ахуйн нэгжүүд машин багтахгүй замд баруун эгнээ барьж зорчиход хүндрэл үүснэ. Дугуйн замтай хэсгүүдэд зорчих боломжтой гэсэн санал хэлсэн байна. Харин иргэд цахилгаан тээврийн хэрэгслийн хурд 20 км цаг байдаг. 10 км цаг болгосон тохиолдолд иргэд ашиглахад хэцүү гэдгийг хэлжээ. Хуулийн төсөл боловсруулагчид иргэд , олон нийт, байгууллагуудын саналыг төсөлд тусгахаар олон талаас нь ярилцаж байна гэжээ