Хүүхдийн баярын өмнөхөн уурхайн булаагүй орхисон цооногт хүүхдийн амь эрстсэн. Гэтэл өмөрч муудсан модон шонгийн цахилгаанд хүүхэд цохиулж, эмнэлгийн хаалганы гинжинд хүүхдээ тэвэрсэн ээж тээглэн унаж хүүхдээ гэмтээсэн хэрэг дахин гарсан. Мөн хүүхдийн баяраар 207 хүүхэд бэртэж гэмтэн эмнэлэгт ханджээ. ОБЕГ-аас байгууллагуудыг цахилгааны шон, утас, гэрэлтүүлэг, ухсан нүх, дутуу нөхөн сэргээсэн талбайг засахыг үүрэг болгож ямарч албан тушаалтан хэн ч байсан дутуу хийсэн ажил бүрт хяналт шалгалт хийж хариуцлага тооцно гэсэн. Үүрэг өгөөд орхих бус хэрэгжилтэд нь нь байгууллага бүр хяналт тавихгүй бол эзэнгүй айл шиг дутуу орхисон явган хүний зам талбай, утас нь гарсан шон, цацруулагч байрлуулаагүй хаалганы хаалт, нөхөн сэргээлт хийгээгүй газрууд хаа сайгүй байсаар л байх болно. ЭМ-ийн сайд Э.Батшугар “Яаралтай тусламжийн дуудлагыг дүүрэг бүрт харьялалал харгалзахгүй хүлээн авна гэдгийг хэлсэн. Хүүхэд гэмтээсэн эмнэлгийн хаалганы дэргэд гэрэлтүүлэг тавьсан байна.