Жил бүрийн тав, есдүгээр сард Мод тарих үндэсний өдөр болдог. Агаарын бохирдлыг багасгах, хүрээлэн буй орчны тохижилтыг сайжруулах зорилгоор дөрвөн байршилд өргөтгөсөн худалдааг зохион байгуулж байна. Өргөтгөсөн худалдааны үеэр мод бут, сөөгийн суулгац, үр үрсэлгээг худалдаалж, зөв тарих технологийг зөвлөгөөг иргэдэд өгнө. Дөрөвдүгээр сарын 25-наас эхлэн Чингэлтэй дүүргийн ЗДТГ-ын урд талын Барилгачдын талбай, Төв цэнгэлдэх хүрээлэн, Баянзүрх дүүрэг, Экстрем спортын талбай, Налайх дүүргийн Төв талбайд мод бутны өргөтгөсөн худалдаа гарч байна.