Арилжааны банкны ПОС төхөөрөмж ашиглан иргэд, аж ахуйн нэгж, байгууллагуудад хуурамч орлогын гүйлгээ хийж, их хэмжээний хохирол учруулсан байж болзошгүй хэргийг шалгаж эхэлжээ. Ц нарын бүлэг залуус гадаад улсын иргэдтэй бүлэглэн иргэдийн төлбөрийн картын цахим мэдээллийг олж, гэмт хэргээ үйлддэг байжээ. Иргэд, аж ахуйн нэгж, байгууллагууд хөрөнгө оруулалтын эх үүсвэр, үйл ажиллагааны бодит байдлыг сайтар нягталж, баталгаажуулсны үндсэн дээр хамтран ажиллах хэрэгтэй. Хөрөнгө оруулалт нэрээр олон улсын банкны карт ашиглах санал ирсэн тохиолдолд онцгой анхаарал хандуулж шалгах, хувийн болон банкны картын мэдээллээ бусдад дамжуулахгүй байхыг зөвлөжээ.