Трамп Япон улсыг Ормузын хоолойгоор явж буй хөлөг онгоцыг хамгаалахад байлдааны хөлөг онгоц илгээхийг уриалсан. Японы Ерөнхий сайд Санае Такайчи болон АНУ-ын Ерөнхийлөгч Дональд нар асуудал үүссэн үед залгаарай гэх дотно харилцаатай. Гэтэл Ойрхи Дорнодын нөхцөл байдал харилцааг хөндийрүүлж стрессийн шалтгаан болсон. Япон улс түүхий нефтийнхээ 90 гаруй хувийг Ойрхи Дорнодоос импортолдог. 2022 онд Украинд халдсаны дараа Оросын эрчим хүчний импортыг огцом бууруулсны дараа энэ хамаарал улам бүр гүнзгийрсэн. Персийн булангийн бүс нутаг, ялангуяа дэлхийн газрын тосны нийлүүлэлтийн нэлээд хэсэг нь дамжин өнгөрдөг Ормузын хоолойн эргэн тойронд үүссэн хямрал Японы эдийн засагт шууд нөлөөлж эхэлсэн байна. Шатахууны үнэ аль хэдийн олон жилийн дээд хэмжээнд хүрч, энэ долоо хоногт литр тутамд дунджаар 190.9 иен (1.20 ам.доллар) хүрч, инфляцийн дарамт нэмэгдэх төлөвтэй байгаа юм. Япон улс 254 гаруй хоногийн хэрэглээтэй тэнцэх хэмжээний стратегийн газрын тосны нөөцөө хадгалж байсан бол олон нийтийн сэтгэл санааг тогтворжуулахын тулд эдгээр нөөцөө ашиглаж эхэлсэн байна./BBC/