Ерөнхий боловсролын сургуулийн бүх сурагчийг бага, ахлах анги гэлтгүй үдийн хоолонд оруулах асуудал 2022 онд УИХ-ын нэгдсэн чуулганы хуралдааны үеэр яригдсан ч ажил хэрэг болоогүй. Харин энэ саналыг эцэг эхчүүд дахин тавих болжээ. Хүүхдүүд өглөө өлөн гараад өдөржингөө хоосон явах нь их байна. Энэ нь хүүхдийн дотор эрхтний өвчлөлийн гол шалтгаан болж байна. Тиймээс эцэг эхчүүд төрөөс тал үнийг нь төлөөд үлдснийг нь эцэг эхчүүд төлөх санал гаргасан байна. Эцэг эхчүүдийн саналыг сургуулиуд нэгтгээд яамдад уламжлах хувилбар ч яригдсаар ирсэн юм.