Өвлийн улиралд зохион байгуулагдаж буй морин уралдаанд бага насны хүүхэд морь унуулж уралдуулахыг хориглосон. Гэтэл сар шинийн баяраар хоёр аймгийн гурван сум бага насны хүүхдээр морь унуулсан тохиолдол гарсан. Хууль зөрчсөн аймаг, сумдын Засаг дарга нарт хариуцлага тооцох талаар яригдаж эхлээд байна. Монгол улсад 70 мянган уяач 30 мянган морь унаач хүүхэдтэй байсан. Гэтэл одоо 30 мянган уяач 10 мянган морь унаач хүүхэдтэй болсон. Уламжлалт морин уралдаанд 18-аас доош насны хүүхэд морь унахыг хориглосон. Хуулийн заалтыг тодорхой болгохгүй бол зуны улиралд ч морь унах хүүхдийн тоо цөөрөх хандлагатай байна. Тиймээс нэгдсэн шийдэлд хүрэх хэрэгтэй гэдгийг Аварга хээр морин спорт уяачдын холбооноос мэдээлжээ. Хүүхдийн төлөө байгууллагууд өвлийн улиралд хүүхэд морь унуулах нь гэмтэх бэртэх,амь насаа алдах эрсдэл дагуулж байгааг хэлдэг. Иргэд ч дэмждэг юм.