Олон улсын робот, кодчиллын энэхүү тэмцээнээс Монгол хүүхдүүд эх орондоо 1 алт, 1 мөнгө, 1 хүрэл медалийг авчирсан байна. Дэлхийн 61 орны 1000 гаруй хүүхдүүдтэй Монголын 56 хүүхдүүд робот, кодчиллын ур чадвараар өрсөлджээ. “Enjoy AI 2025” олон улсын уралдаанд Ховд, Говь-Алтай, Дархан, Говьсүмбэр, Баянхонгор аймгийн тамирчид оролцсон. Говь-Алтай аймгаас оролцсон бяцхан инженер төрөлд Р.Ууганбаяр алтан медаль авсан. “Дэлгэцгүй кодчилол” төрөлд Б.Есөнмөнх, Э.Өрнөхбаяр нар мөнгөн медаль хүртжээ.