МАН-ын их хурал хуралдаж шуудайнд хийсэн үхрийн эвэр шиг хэдэн тийш харан сууж үзэл бодлоороо хагарсан гишүүд арай гэж нэг эвлэрэн намын даргаа сонголоо. Шинээр сонгогдсон даргыг намын эв нэгдлийг ханган цаашилбал намын зовлонг төрийн цаашилбал түмний зовлон болохгүй байхад анхаарахыг намын гишүүд нь сануулсан. УИХ дахь МАН-ын бүлэг нь хүртэл 32, 36 болж хоорондоо зөрчилдөж байсан тул УИХ-д шинээр сонгогдсон гишүүд нь нам дотроо эв нэгдэлтэй байхыг уриалсан юм. Намын даргад ЭЗХ-ийн сайд Н.Учрал сонгогдсон юм. Түүнтэй МҮХАҮТ-ын ерөнхийлөгч Д.Лхагважав өрсөлдлөө. Сонгуулиар иргэдэд амласан амлалтаа биелүүлж эрх баригч хүчний хувьд авлига хээл хахуулиас ангид байж Монгол улсад эдийн засаг нийгмийн реформ хийж хөгжил дэвшлийг ахиулах хэрэгтэй байгааг олон нийт шаардаж байгааг хурлын үеэр онцолсон байна.