Гэр хорооллын айл өрхийн орой шөнийн цагаар хэрэглэсэн цахилгааны 11 дүгээр сарын 1-нээс 4 дүгээр сарын 1-ний өдрийг хүртэл тарифт хөнгөлөлт үзүүлнэ. Орой 21.00 цагаас өглөөний 09.00 хүртэлх хэрэглэсэн хэрэглээнд шөнийн тарифын хөнгөлөлт үзүүлнэ. Шөнийн тарифын хөнгөлөлтөд нийслэл болон аймгийн төв, 10 мянгаас дээш хүн амтай сум суурин газрын гэр хорооллын айл өрх хэрэглэгчид хамрагдана. .Цахилгааны үлдэгдэл төлбөргүй зөвхөн ахуйн хэрэгцээнд болон амьдарч байгаа гэр сууцаа халаах зориулалтаар хэрэглэх бөгөөд цагийн ялгаварт тарифт тоолууртай байх ёстой юм. Хэрэглэгчийн төлбөрийг тооцохдоо тоолуурын заалтыг үндэслэн 150 квт,ц, 151-300 квт.ц, 300 квт.ц-аас дээш гэсэн ангилал бүхий гурван шатлалт тарифаар үржүүлж, нийлбэр дүнг гаргадаг.