Согтууруулах ундаа, сэтгэцэд нөлөөтэй бодис хэрэглэсэн үедээ тээврийн хэрэгсэл жолоодсон бол жолоо барих эрхийг нь бүрэн хасдаг байх тухай хуулийн төслийг өргөн барихаар болсон байна. Жил бүр 50-60 мянган иргэн жолооны сургалтал хамрагдан шинээр хөдөлгөөнд оролцдог. Сүүлийн таван жилд 20 мянга гаруй авто тээврийн осол гарч 2000 гаруй хүн амь насаа алдсан. Үүнээс 270 орчим нь бага насны хүүхэд байсан. Цаашид авто замын босоо, хэвтээ тэнхлэгийн камерын хяналтыг сайжруулж тоог нэмэгдүүлэн нэгдсэн удирдлагад холбохоор болсон байна.