Уур амьсгалын өөрчлөлт Монгол улсад ч мэдрэгдэж олон хоног дараалан халах тохиолдол нэмэгдсэн. Эрүүл мэндийн байгууллагуудаас хэт халалт үүсэн өдрүүдэд зүрх судасны өвчин, чихрийн шижинтэй хүмүүс гэрээс гарахыг аль болох зайлсхийх хэрэгтэйг зөвлөсөн байна. Мөн даралт ихтэй иргэд, өндөр настай ахмадууд, бага насны хүүхдүүдийг хурц нартай үед наранд удаан хугацаагаар явахгүй байх, нарны малгай өмсөх, шүхэр барих, ус тогтмол уухыг зөвлөсөн. Өвдсөн үед толгой эргэж, өвдөх, биеийн халуун нэмэгдэх, бие суларч тамир тэнхээ алдах, цээж багтран амьсгаа цухалдах, царайны өнгө цонхийж цайх,дотор муухайрах, нүүр чинэрч улайж, хөлс гаралт эрс ихсэх шинж тэмдэг ажиглагддаг болохыг анхааруулсан. Наршсан тохиолдолд сэрүүн өрөө, сүүдэр газарт хэвтүүлэн, бүлээн шингэн ус уулгах, арьсны нимгэн хэсэгт хүйтэн жин тавих спиртээр биеийг нь арчин, иллэг хийж цусны эргэлт нь зогсохоос сэргийлэхийг хэрэгтэйг зөвлөжээ